Gwasanaethau

Oriau Agor y Swyddfa / Cysylltiadau / Ymholiadau

Mae Canolfan Weinyddol Myfyrwyr wedi’i lleoli ar lawr cyntaf Prif Adeilad y Celfyddydau Mae manylion cyswllt staff ar gael yma .

Dogfennaeth Cymwysterau

Os gwnaethoch chi raddio ar ôl Gorffennaf 2017 gyda naill ai gradd israddedig neu ôl-radd, byddwch yn derbyn ein Hadroddiad Cyflawniad Addysg Uwch (HEAR). Mae’r HEAR yn disodli’r trawsgrifiad ar gyfer graddedigion o fis Gorffennaf 2017, a gellir ei weld . Gallwch hefyd rannu dogfennau eich cymwysterau â thrydydd partïon (fel cyflogwyr, sefydliadau eraill ac ati).

Os gwnaethoch chi raddio cyn mis Gorffennaf 2017 yna gellir cynhyrchu trawsgrifiad copi caled a dylech ddilyn y cyfarwyddiadau isod.

Cyhoeddir trawsgrifiadau copi caled swyddogol ar bapur pennawd gydag arfbais y Brifysgol i sicrhau dilysrwydd.

Gwasanaeth Manylion Ar gael i’w archebu o Pris
Trawsgrifiadau Copi Caled Cofnod o’r modiwlau a astudiwyd a’r marciau a gafwyd ar gyfer y rhaglen astudio gyfan. ** £33 am y copi cyntaf + £3 y trawsgrifiad am gopïau ychwanegol.
Cadarnhad o Gymhwyster Tystiolaeth eich bod wedi cael cymhwyster a dilysiad o ddosbarthiad y radd (os yw’n berthnasol). Dim ond ar gael os cawsoch eich gradd gan Brifysgol Bangor. Yn rhad ac am ddim.
Tystysgrif Newydd Os cawsoch chi radd Prifysgol Bangor. £37.
Tystysgrif Newydd Os cawsoch chi radd Prifysgol Cymru. Gweler gwefan Prifysgol Cymru.

** Fel rheol, bydd ceisiadau trawsgrifio yn cael eu prosesu cyn pen 21 diwrnod, ond gall ceisiadau am drawsgrifiadau o gyrsiau israddedig a wnaed cyn 2002 a chyrsiau ôl-raddedig hyfforddedig a wnaed cyn 2004 gymryd mwy o amser gan fod angen cael gwybodaeth ychwanegol gan adrannau addysgu. Cyn i drawsgrifiadau ddod yn gyffredin yn y DU, dim ond am gyfnod o ddeng mlynedd academaidd y cadwyd rhai cofnodion cyrsiau, felly efallai na fyddwn yn gallu darparu trawsgrifiad ar gyfer rhai cyrsiau israddedig a wnaed cyn 2002 a chyrsiau ôl-raddedig hyfforddedig a wnaed cyn 2004. Mewn achosion o’r fath, bydd y Brifysgol yn darparu datganiad yn cadarnhau manylion y cymhwyster ynghyd â chadarnhad na ellir darparu trawsgrifiad.

Tystysgrifau Newydd – Prifysgol Bangor neu Brifysgol Cymru?

Bydd unrhyw fyfyriwr a raddiodd cyn 1 Awst 2009, wedi cael gradd Prifysgol Cymru.

Cynigiwyd yr opsiwn i unrhyw fyfyriwr a ddechreuodd (a gofrestrodd ar gyfer) ei gwrs cyn 1 Medi 2009, ac a oedd i fod i raddio ar ôl 31 Gorffennaf 2009, fel rhan o’r ail-gadarnhau presenoldeb yn flynyddol, i dderbyn cymhwyster Prifysgol Cymru neu gymhwyster Prifysgol Bangor. Os yw’r meini prawf uchod yn berthnasol i chi ac nid ydych yn siŵr pa radd a ddyfarnwyd i chi, cysylltwch â’r Swyddfa Cymwysterau i gadarnhau hyn cyn cyflwyno eich cais am dystysgrifau newydd.

Bydd unrhyw fyfyriwr a dderbyniwyd i’r brifysgol ac a gofrestrodd am y tro cyntaf o 1 Medi 2009 ymlaen yn derbyn gradd Prifysgol Bangor.

Newid Manylion Cyswllt

Mae gwasanaethau ar gael ar-lein. Gallwch wneud y canlynol:

  • rhoi gwybod i’r Brifysgol eich bod wedi newid eich cyfeiriad yn ystod y tymor.
  • rhoi eich cyfeiriad yn ystod y gwyliau i’r brifysgol.
  • rhoi gwybod i’r brifysgol eich bod wedi newid eich manylion cyswllt mewn argyfwng.
  • rhoi eich rhif ffôn symudol newydd i’r Brifysgol.
  • diweddaru eich cyfeiriad cartref parhaol gan mai i’r fan honno y caiff eich canlyniadau arholiad, gwybodaeth graddio a’ch tystysgrif eu hanfon. Sylwer mai dim ond i gyfeiriadau cartref parhaol y caiff tystysgrifau eu hanfon.

I ddefnyddio’r gwasanaethau hyn, ewch i'r .

Os ydych yn cael trafferth diweddaru eich gwybodaeth bersonol cysylltwch â’r Adran Gweinyddu Myfyrwyr;

Newid Enw

Rhaid i unrhyw fyfyrwyr sy’n newid eu henwau yn ystod eu hastudiaethau yn y brifysgol wneud cais i’w cofnod gael ei ddiweddaru drwy'r .

Mae’n bosib y gofynnir i fyfyrwyr sydd wedi newid eu henwau’n gyfreithlon ddarparu tystiolaeth bellach, e.e., tystysgrif priodas/geni, pasbort neu weithred newid enw.

Dylai myfyrwyr sydd ond yn dymuno newid eu henw dewisol ar system gofnodion y brifysgol hefyd ddefnyddio’r Ganolfan Geisiadau i wneud y cais hwn, ni fydd angen tystiolaeth ar gyfer newid o’r fath. Sylwer mai eich enw cyfreithiol llawn fydd yn ymddangos ar bob dogfen ddyfarnu