Croeso gan Bennaeth yr Ysgol
Mae Ysgol Fusnes Albert Gubay yn ysgol flaenllaw sy'n canolbwyntio ar addysgu ac ymchwil.
Rydym yn cynnig rhaglenni gradd ar draws ystod eang o ddisgyblaethau academaidd o lefel israddedig ac ôl-raddedig hyd at ddoethuriaeth.
Cewch eich addysgu gan staff academaidd sy'n arbenigwyr yn eu maes ac y mae eu hymchwil yn cyfrannu at ddatblygu polisi, hyrwyddo eu disgyblaethau, a hyd yn oed arwain at gwell dealltwriaeth o fusnes. Mae ein staff academaidd o'r radd flaenaf yn defnyddio eu hymchwil i lywio eu haddysgu, gan helpu i sicrhau eich bod yn barod iawn i lwyddo ym myd esblygol busnes byd-eang.
Mae Ysgol Fusnes Albert Gubay yn eich helpu chi i adeiladu ar eich sgiliau cyflogadwyedd trwy hwyluso cyfleoedd i chi ymgysylltu â busnesau, ymgymryd â lleoliadau gwaith ac interniaethau. Byddwch hefyd yn elwa o'r nifer o achrediadau sydd gan ein rhaglenni i'w cynnig.
Yn ystod eich amser gyda ni, cewch gyfle i wella eich sgiliau technegol a'ch sgiliau arwain. Mae busnesau modern yn chwilio am raddedigion sydd â sgiliau technegol, ac sy'n gwybod sut i gyfathrebu, dylanwadu a thrafod. Byddwch yn dysgu'r sgiliau hyn a llawer mwy yn Ysgol Fusnes Albert Gubay.
Rwy'n eich gwahodd i ymuno â'r gymuned gyffrous a bywiog sydd yma yn Ysgol Fusnes Albert Gubay, ac rwy’n edrych ymlaen i weithio gyda chi i liwio eich gyrfa ar gyfer y dyfodol.
Bruce Vanstone, Pennaeth yr Ysgol