A ydych chi'n ansicr neu'n ddihyder pan fydd angen i chi ysgrifennu yn Gymraeg, yn enwedig yn eich gwaith?
A ydych chi'n ansicr o'r cywair neu'r ieithwedd briodol wrth siarad neu ysgrifennu yn Gymraeg?
A ydych yn teimlo nad yw eich Cymraeg chi'n 'ddigon da'?
Os ydych chi wedi ateb 'ydw' i unrhyw un o'r cwestiynau uchod, yna mae'n debyg y byddai cwrs Sgiliau Iaith yn ddefnyddiol i chi.
Mae Canolfan Bedwyr yn darparu nifer o gyrsiau sgiliau iaith i’ch helpu i ddod yn fwy hyderus wrth ddefnyddio’r Gymraeg. P’un a ydych yn aelod o staff, yn fyfyriwr neu’n gweithio mewn sefydliad allanol, mae rhaglen ar gael i’ch cefnogi i ddysgu a defnyddio’r Gymraeg yn y gwaith ac yn gymdeithasol.
