Mae'r brifysgol yn disgwyl bod traethodau ymchwil ôl-radd yn ddogfennau sydd ar gael i'r cyhoedd. Felly, onid oes rheswm cyfreithlon dros gyfyngu ar fynediad at draethodau ymchwil, bydd pob PhD, gradd Meistr trwy Ymchwil, Doethuriaeth Broffesiynol ac MPhil ar gael i'r cyhoedd ar y rhyngrwyd yng nghatalog Llyfrgell Prifysgol Bangor.
Gall ymgeisydd gyhoeddi unrhyw waith ymchwil cyn ei gyflwyno i’w arholi. Gellir cynnwys gwaith wedi ei gyhoeddi yn y traethawd. Mewn rhai achosion, mae’n bosib na chaniateir cyhoeddi, er enghraifft, os gosodwyd cyfyngiadau gan noddwr neu gan y brifysgol. Os yw traethawd ymchwil yn cynnwys data cyfrinachol neu sensitif efallai na fydd yn briodol cyhoeddi'r testun llawn ar-lein. Yn yr un modd, os oes bwriad i gyhoeddi'r traethawd ymchwil cyfan, neu ddarnau ohono, efallai y bydd rhaid cyfyngu ar fynediad at y fersiwn electronig. Mewn sefyllfa o’r fath, gellir gofyn am embargo/rhwystro mynediad.
Fel rheol, gellir caniatáu rhwystro mynediad at y traethawd ymchwil a/neu ddata cysylltiedig am gyfnod penodol hyd at bum mlynedd. Rhaid i yr ymgeisydd gyflwyno cais i rwystro mynediad. Rhaid cyflwyno ceisiadau o'r fath i'r Academi Ddoethurol, a chaiff ceisiadau am gyfnod hwy na 6 mis eu hystyried gan gadeirydd Pwyllgor Rheoliadau ac Achosion Arbennig y Senedd (neu rywun a enwebir yn ei le/yn ei lle).
Rheoliadau Rhaglenni Ymchwil Ôl-radd
Mae cyfnod yr embargo fel arfer yn gymharol fyr a dim ond mewn achosion eithriadol y gellir cyfyngu ar fynediad i draethawd ymchwil, er enghraifft ar sail fasnachol, cais patent yn yr arfaeth, cyfrinachedd yn ofynnol gan y cyllidwr, neu gyfyngiad a osodir yn benodol gan gyhoeddwr (e.e. oherwydd bod y traethawd cyfan neu ran ohono’n cael ei gyhoeddi fel contract llyfr).
Caiff y traethawd ymchwil ei storio'n electronig yn PURE. Bydd y metadata am y traethawd ymchwil ar gael trwy'r porth PURE (a chatalog y Llyfrgell). Caiff y traethawd ymchwil ei hun ei ychwanegu at y cofnod ond bydd wedi ei gau fel na fydd ar gael nes bod yr embargo wedi dirwyn i ben (neu wedi cael ei ymestyn os bydd y myfyriwr yn casglu'r wybodaeth gyhoeddi angenrheidiol i gyfiawnhau estyniad pellach).
Gwneud Cais am Embargo Traethawd Ymchwil
Cam 1
Siaradwch â'ch Tîm Goruchwylio
Cam 2
Llenwch ffurflen gais embargo yn y Ganolfan Geisiadau.
Cyflwyno cais am embargo ar draethawd ymchwil:
.
Cyflwyno cais am embargo ar draethawd ymchwil:
.
Cam 3
Cyflwyno’r Ffurflen Cais am Embargo
Dim ond pan fydd rheswm da dros wneud hynny y caiff embargos eu cymeradwyo. Unwaith y bydd y cais wedi ei gyflwyno, bydd y goruchwyliwr yn cael hysbysiad. Am y rheswm hwnnw, dylai cais am embargo ddod ar ôl trafodaeth gyda'ch goruchwyliwr.
Fel rheol, dylid cyflwyno'r ffurflen cais am embargo ar yr un pryd ag y bydd yr ymgeisydd yn cyflwyno'r traethawd ymchwil i'w arholi; fan bellaf, dylid ei gyflwyno cyn iddynt gyflwyno fersiwn derfynol eu traethawd ymchwil yn dilyn eu harholi.
Gall cyflwyno'r cais yn hwyr olygu bod y traethawd ymchwil yn cael ei ryddhau yn gyhoeddus.
Cam 4
Cymeradwyaeth
Mae pedair senario posib:
- Gwrthod y cais am embargo: Efallai bydd yr Academi Ddoethurol yn gwrthod eich cais am embargo neu'n gofyn am dystiolaeth bellach i gefnogi'r cais.
- Cymeradwyo cais am embargo am chwe mis: Os yw'r cais am embargo am chwe mis, gall yr Academi Ddoethurol ganiatáu'r cais hwnnw am chwe mis.
- Cymeradwyo cais am embargo am gyfnod hwy heb dystiolaeth bellach: Os yw'r cais am embargo am gyfnod sydd yn hwy na chwe mis, gall yr Academi Ddoethurol ganiatáu embargo ar fynediad i draethawd ymchwil Bangor am y chwe mis cychwynnol. Yna anfonir y cais ymlaen at Bwyllgor Rheoliadau ac Achosion Arbennig y Senedd i ystyried estyniad hwy (5 mlynedd ar y mwyaf).
- Cais am bortffolio tystiolaeth i embargo am gyfnod hwy: Os bydd Pwyllgor Rheoliadau ac Achosion Arbennig y Senedd yn gofyn am bortffolio i gefnogi cyfnod hwy o embargo, bydd yr Academi Ddoethurol yn gofyn i'r ymgeisydd baratoi'r portffolio, yn cynnwys unrhyw ohebiaeth â chyhoeddwyr, tystebau gan unigolion gwybodus ac ati, i gefnogi embargo am gyfnod hwy.
Paratoi Portffolio o dystiolaeth ategol Dylid ymgorffori eich portffolio o dystiolaeth ategol mewn un cyflwyniad i'r Ganolfan Geisiadau a chaiff ei anfon ymlaen at Bwyllgor Rheoliadau ac Achosion Arbennig y Senedd i ystyried estyniad hwy (5 mlynedd ar y mwyaf).
Dros gyfnod yr embargo, cyfyngir mynediad at eich traethawd ymchwil yn unol â'r telerau a gymeradwywyd gan y brifysgol: os rhoddir embargo ar y traethawd ymchwil, ni fydd mynediad cyhoeddus i'ch traethawd ymchwil dros gyfnod yr embargo. Bydd cofnod metadata ar gael i'r cyhoedd, oni bai eich bod yn nodi bod angen embargo ar hwn hefyd. Os oes angen, efallai y bydd eich goruchwylwyr a/neu Bennaeth yr Ysgol yn ymgynghori â'ch traethawd ymchwil.
Yn dilyn diwedd y cyfnod embargo a gymeradwyir, bydd eich traethawd ymchwil ar gael yn gyhoeddus yn awtomatig yn y ffordd arferol.