�鶹��ýӳ��

Mae Prifysgol Bangor wedi'i henwi fel y brifysgol orau yng Nghymru yn y .    

Mae’r Brifysgol yn parhau i berfformio’n gryf ar lefel genedlaethol, gan gael ei gosod yn 17eg yn y Deyrnas Unedig a chadw’i lle ymhlith 20 prifysgol orau’r wlad. Mae hyn yn adlewyrchu cryfder cyson ar draws agweddau allweddol y profiad myfyrwyr.  

Mae safleoedd eleni hefyd yn dangos gwelliant ym maes Bywyd Myfyrwyr, gyda Bangor bellach yn safle 13 yn y Deyrnas Unedig, cynnydd o 18 safle, gan adlewyrchu’r profiad cadarnhaol a gynigir i’r gymuned fyfyrwyr ehangach.  

Mae'r safleoedd yn adlewyrchu adborth gan y gymuned fyfyrwyr. Mae University Compare yn defnyddio methodoleg sy'n seiliedig ar adolygiadau, gan gasglu degau o filoedd o adolygiadau gan fyfyrwyr ar draws pedwar maes allweddol. Mae adolygiadau'n cael eu sgorio ar raddfa o 1 i 5, ac mae safleoedd yn cael eu cyfrifo gan ddefnyddio system bwysol - yn debyg i lwyfannau fel TripAdvisor neu Airbnb.     

Mae’r momentwm cadarnhaol hwn hefyd yn cael ei adlewyrchu yn y Complete University Guide 2027 a gyhoeddwyd yn ddiweddar, lle mae Bangor wedi codi chwe safle i 49ain.   

Dywedodd yr Athro Nichola Callow, Dirprwy Is-ganghellor, Addysg a Phrofiad Myfyrwyr, “Mae’n braf iawn gweld Bangor unwaith eto’n cael ei chydnabod gan ein myfyrwyr fel y brifysgol orau yng Nghymru, ac yn parhau i gadw safle cryf ymhlith 20 uchaf y Deyrnas Unedig. Mae’r canlyniadau hyn yn dyst i ymroddiad parhaus ein staff, ac i gryfder y gymuned agos a chefnogol sydd gennym yma.  

“Rydym yn arbennig o falch o weld cynnydd mor sylweddol o ran bywyd myfyrwyr, sy’n adlewyrchu’r profiad bywiog a chynhwysol y mae ein myfyrwyr yn ei fwynhau, o fewn a thu allan i’r ystafell ddosbarth. Ein blaenoriaeth yw sicrhau bod pob myfyriwr yn cael y gefnogaeth i lwyddo, datblygu a theimlo’n rhan o gymuned Bangor.”