Helpwch ni i astudio Afon Conwy trwy ddod yn Wyddonydd-Ddinesydd
Mae Afon Conwy yn bwysig i natur a phobl. Mae tîm o ymchwilwyr o'r Ysgol Gwyddorau Amgylcheddol a Naturiol ym Mhrifysgol Bangor eisiau dysgu mwy am ba mor lân yw dŵr yr afon ac a oes yna firysau a bacteria a all ein gwneud yn sâl yno.
Pan fydd storm fawr o law (a allai ddigwydd yn amlach oherwydd newid yn yr hinsawdd), mae dŵr budr o garthffosydd weithiau'n llifo i'r afon - gelwir hyn yn arllwysiad carthion. Mae arllwysiad carthion yn cynnwys dŵr glaw, ac unrhyw beth rydym ni'n ei waredu i lawr y tŷ bach. Gall ein carthion gynnwys firysau a bacteria a all ein gwneud yn sâl. Hoffem ddeall pa fath o firysau a bacteria sydd yn yr afon a sut mae hynny'n effeithio ar yr afon, ac arnom ni.
Yr hyn rydym yn ei wneud
Rydym yn gwneud rhaglen gyfrifiadurol a all ddweud wrthym ni pan fydd dŵr yr afon yn lân neu'n fudr, ond mae angen i ni wirio a yw ein rhaglen yn gywir. I wneud hyn, mae angen i ni brofi samplau dŵr o'r afon.
Sut y gallwch chi helpu
Dewch yn wyddonydd-ddinesydd! Mae angen help arnom ni i gasglu samplau dŵr, y byddwn yn eu profi am facteria a firysau a all ein gwneud yn sâl. Nid oes angen unrhyw sgiliau arbennig arnoch chi - byddwn yn eich dysgu popeth sydd angen i chi ei wybod.
Gallwch hefyd helpu drwy ddweud wrthym ni beth yw eich barn am yr afon drwy rannu eich barn yn ein harolwg ar-lein.
Pam mae hyn yn bwysig
Bydd yr wybodaeth a gasglwn yn gymorth i lunio rheolau gwell ynghylch cadw afonydd yn lân yn y Deyrnas Unedig ac Ewrop.
Eisiau ymuno â ni?
Anfonwch e-bost atom ni: Waterwales@bangor.ac.uk
Dilynwch Brifysgol Bangor ar Facebook, X, a LinkedIn i wybod y diweddaraf. Byddwn yn postio newyddion am y project a digwyddiadau difyr y gallwch ymuno â nhw.
Mae croeso i bawb helpu - po fwyaf o bobl sy'n ymuno, gorau oll y gallwn ni amddiffyn ein hafon!
Cyllid
Mae'r gwaith hwn wedi'i ariannu'n rhannol gan gronfa wyddoniaeth dinasyddion Dŵr Cymru, rhaglen ymchwil ac arloesi Horizon Europe yr Undeb Ewropeaidd o dan gytundeb grant Rhif 101057764 a chan UKRI/Llywodraeth Ei Fawrhydi.