Rydym yn hynod falch o weld bod Dr Myfanwy Davies, Uwch Ddarlithydd Polisi Cymdeithasol, a Deon y Gymraeg Coleg y Celfyddydau, Dyniaethau a Gwyddorau Cymdeithas, wedi ei phenodi yn Gadeirydd Bwrdd Golygyddol cyfnodolyn rhyngddisgyblaethol y Coleg Cymraeg Cenedlaethol, Gwerddon.
Mae hwn yn benodiad cyffrous ac yn adlewyrchu diddordebau academaidd ac ymchwil eang Dr Davies.
Mewn ymateb i’r penodiad, dywedodd:
"Rwyf yn gyn-aelod o Fwrdd Golygyddol Gwerddon (2013-2015) ac rwyf wedi gweld y cyfnodolyn a Gwerddon Fach yn datblygu i fod yn llwyfannau gwerthfawr i ysgolheigion sy’n medru’r Gymraeg. Rwyf yn awyddus nawr i ddyfnhau rôl Gwerddon fel cyfrwng i gydweithio a datblygu ymchwil newydd ac fel adnodd i ymchwilwyr iau, yn enwedig trwy’r berthynas â chynadleddau ymchwil y CCC."
Llongyfarchiadau enfawr a phob hwyl gyda’r gwaith!