Gyda chefnogaeth gan Gronfa Bangor, mae myfyrwyr Hylendid Deintyddol a Therapi Deintyddol wedi elwa ar gyfle i fynd i Sioe Ddeintyddiaeth a Chynhadledd Deintyddol Prydain yn NEC Birmingham. Mae'r digwyddiad yn darparu aramlygiad gwerthfawr i'r proffesiwn deintyddol ehangach, gan helpu myfyrwyr i feithrin rhwydweithiau proffesiynol, archwilio cyfleoedd gyrfa a chael cipolwg ar ddatblygiadau ar draws y sector.
Fel un o brif ddigwyddiadau'r Deyrnas Unedig i weithwyr proffesiynol deintyddol, mae'r gynhadledd yn dwyn ynghyd ymarferwyr, arbenigwyr yn y diwydiant, cymdeithasau proffesiynol, cyflenwyr a chyflogwyr o bob cwr o'r gymuned ddeintyddol. Drwy gyflwyniadau, arddangosfeydd a chyfleoedd rhwydweithio, mae myfyrwyr yn ymgysylltu'n uniongyrchol â gweithwyr proffesiynol o ystod o feysydd, gan ennill dealltwriaeth ehangach o ddeintyddiaeth y tu hwnt i'w hyfforddiant academaidd a chlinigol.
Mae’r gynhadledd yn galluogi myfyrwyr i archwilio technolegau sy'n dod i'r amlwg, dulliau arloesol o ofalu am gleifion a'r datblygiadau diweddaraf sy'n effeithio ar ddyfodol deintyddiaeth. Mae'r profiad hefyd yn tynnu sylw at y llwybrau gyrfa amrywiol sydd ar gael o fewn y proffesiwn ac yn annog myfyrwyr i ddechrau meddwl am eu datblygiad proffesiynol yn y dyfodol.
Mae ymgysylltu â'r gymuned ddeintyddol ehangach yn atgyfnerthu pwysigrwydd dysgu gydol oes a datblygiad proffesiynol parhaus. Drwy ryngweithio â chyflogwyr, cyrff proffesiynol ac arbenigwyr, mae myfyrwyr yn cael cipolwg gwerthfawr ar y sgiliau, y wybodaeth a'r cysylltiadau sy'n cefnogi llwyddiant gyrfa hirdymor.
Mae'r digwyddiad hefyd yn darparu cyfleoedd i fyfyrwyr ddysgu ar y cyd, rhannu profiadau a chryfhau cysylltiadau â'u cyfoedion, gan helpu i feithrin hyder a meithrin amgylchedd dysgu cefnogol.
Dywedodd Mari Morgan, sy’n Ddarlithydd mewn Gwyddorau Gofal Iechyd (Hylendid Deintyddol):
Un o elfennau mwyaf gwerthfawr y cyfle hwn yw'r cyfle i fyfyrwyr brofi deintyddiaeth y tu hwnt i'w hamgylchedd academaidd a chlinigol uniongyrchol. Mae ymgysylltu â chynrychiolwyr y diwydiant, cymdeithasau proffesiynol, arbenigwyr a chyflogwyr posibl yn eu helpu i ddatblygu dealltwriaeth ehangach o'r proffesiwn, archwilio llwybrau gyrfa yn y dyfodol, a dechrau meithrin rhwydweithiau proffesiynol a all gefnogi eu datblygiad gyrfa hirdymor a'u cyflogadwyedd.
Mae Cronfa Bangor, a wnaed yn bosibl trwy roddion gan gyn-fyfyrwyr ac a weinyddir gan y Swyddfa Datblygu a Chysylltiadau Cyn-fyfyrwyr, yn cefnogi projectau megis hwn sy'n rhoi cyfleoedd gwerthfawr i fyfyrwyr y tu hwnt i'r cwricwlwm.
Oriel Luniau: Myfyrwyr Deintyddiaeth yng Nghynhadledd Ddeintyddol Prydain a Sioe Deintyddiaeth
